Profil von Kitty雪兒 . 吉蒂FotosBlogListenMehr  |  Extras Hilfe |
|
雪兒 . 吉蒂雪兒分享地帶 23 November 23 November 2008 大日子今日係1123, 11月23日, 今天有好多人結婚, 城中有李嘉欣,hias有 老P, 而對我地稻中來說, 最重要係陳師奶~~
陳師奶是我們今天的主角呀~~ 因為佢係我地兵團中第一個結婚~
而今日成為唐太的陳瀅, 個ceremony可以說係一切從簡,
位於香港仔深灣遊鼮會的白色帳篷, 場地以白色為主,
我地1030左右到, 12:30開始ceremony,中間我地勁影相, 我地仲上台送左我地張咭俾佢,
ha ha, 最後陳瀅十分欣賞之餘, 亦話我地嘈,趕我地下台, ha ha
Josie媽媽仲錄左唐太進場的片段, 好得恴好輕快,值得回味 ,當唐生要同大家說話時, 好感動, 聲都變了, 最後由唐太代言歡迎來賓,
之後主角交換指環後, 舉起手跟大家給大家見証時, 那一刻我都好感動,好似"阿媽我終於得左la"的感覺, 都幾得意..
個set lunch好好味, 都幾特別, 有養顏燕窩湯, 有海底椰做糖水...
最後我地見埋新娘換最後一套衫,貌似柯德莉夏萍, 影相握手就走,在此再祝唐太新婚甜甜蜜蜜, 月月去日本啦(可以同老公仔一齊),好幸福呀~
之後, 稻中有下場, 銅鑼灣唱k,延續陳瀅大日子的高興, 但因太累了, 都沒有join~
唯有下次再玩啦~亦由於我冇相機, 而所有影片及video都出自其他團友, 放於facebook~
03 November 三缺一京阪唔知有無紅葉之旅(29/10~2/11)
詳細照片可於相簿中見 而行程copy自Vivian spaces:
今次京阪五天遊終於順利結束......以下係五日行程概括:
第一日: 香港~京都~shopping@京都駅~酒店(俾人發現屈蛇, 要買多間房....破財)
第二日:嵯峨野~小火車~識左日本婆婆二瓶春子(佢仲請我地食軟糖仲交換埋地址)~抺茶雪糕~河邊坐低食燒魚(好爽)~清水寺~京都女人面油紙~京都四条通商店街~日式意大利粉~酒店(繼續破財)
第三日:火車~大阪~酒店(屈蛇成功)~starbuck(soya latte)~杯面博物館~100yen店~心齋橋勁shopping~勁粗墨魚丸~超好味燒餅~長毛蟹餐(正正正)~酒店睇夜景.....
第四日:酒店早餐(滿足)~universal studio(最鐘意玩4d史力加.....同spiderman....因為的錢買哂野.....無錢食飯....餓)~禁錢~酒店(一晚每人1800yen/唔駛$160蚊....有甲由)~串燒~浸溫泉(好舒服乾淨哂)~芝士咖喱杯面~深深的睡覺(正)
第五日:五點半起身~機場放行李~吉見海鮮市場($1000yen/$70有八隻嚮螺同八隻帶子, $1500yen海蟾.點知11未有bbq services, 正當想放棄海鮮的時候, 識左今井先生-貌似中村獅童)~factory outlet ~機場~starbuck(chocolate truffle)~機上發現不明物體~落機撞到剛剛落機的josie mama~完 29 September 29 September 2008滕近輝牧師曾說 喜樂是 仁愛的 笑容 , 和平是 仁愛的 言語 , 恩慈是 仁愛的 手, 良善是 仁愛的 心 , 信實是 仁愛的 簽字 , 温柔是 仁愛的 眼睛 , 節制是 仁愛的 腳步 。 18 September 18 September 2008今天老闆的老闆請食飯, 算係籃球賽後的"慶功"宴, 所謂promise左, 就要請, 算係唔錯~
最近個site發生左好多大事, 有捉私教, 有t10-31d怪客事件-->收到不平者的信, 又有同事突然唔做,
wah~~好激, 自己好似身處電視錄影廠一般,
一幕又一幕的戲劇上演.........
我還有2個多月就end contract了, 到時會係咩局面呢~
04 August 4 August 2008最近心情欠佳，頭腦上的知識告訴我，不要為地上的任何事令自己不快樂，如工作..
要學會凡事倚靠神，發現原來自己還未把自己的感受交給神，
現在的工作俾我的感覺係有點"一指錯，滿盤皆落索"的感受，
已經不停的遊說自己不要把感受帶到工作，亦不要把工作帶到家中，但現在仍然未能把三者分開..........
亦以為身邊的一個是最能support自己的一個，但原來最懂得關心自己的仍是已很少在家中一起吃晚飯的媽咪...
 今天晚上，心有點煩，有點不吐不快的感受，收工後已不斷的找朋友傾.....
接到晚上特定的問候，
就是他今天的工作和本星期的工作安排，之後就是為我想，我將要做的每一件事，什麼選擇是比較好...
我欣賞他對我每事的分享，和為我想，但我更需要的是想你對我今天心情的了解..........
最後，不足30分鐘就結束大家的談話，
是為免大家繼續不必要的談話氣氛，讓彼此多點休息還來得實際
或是跟本你沒打算嘗試去了解我背後的"一點燥"?或是你跟本意味不到我語調上帶着的"心煩"情緒?
我想大家仍未夠了解大家，需要分享多點大家的心情吧......
有很多東西以為係咁的，但原來唔係咁...
或許我更需要的是一個一星期的大假，調整一下自己.......
 我實在想得太多了.....  29 Juli 29 July 2008 轉行後的一年零一個月零18日最近天氣很差，因台灣打風的緣故，連帶天氣的悶熱，昨天晚上有似中暑感覺，
 人也wing wing地, 腸胃病經吃藥後已好轉,
 不過今天回到公司, 午飯前收到個消息，
就是之前神經人仕昨晚親臨總部作投訴，
說我對之前事件有隠瞞成份..... ????????
首先, 我問自己為咩我要咁做??跟本冇理由我要咁做..
 二, 我完全把跟進情況一五一十告訴客, 反轉頭, 抽前抽後就俾人咬...失望.
於是以舊有手法, 又一次進行大變動, 今次我也參與在其中,
 我由8-10座主, 變1-2座主，
關於這決定，老闆澄清完全唔關我事, 叫我唔好有hard-feeling, 且要適應此文化，
被客"屈"都經常的 我唯有欣然接受吧,
 之後越來越唔好feel, 最後同左上一手同事share個feeling,
  講左一個小時,
conclusion: 站遠d諗, 其實我地都係公司的一粒棋子, 只係隨時被公司調動啫, (講現實D, 就係公司俾餐飯仔食下啫, 唔駛放在心, 同埋當學野吧)
 26 Juni 25 Jun 200825 Jun 2008
有好多時候，唔同部門需要互相配合才能把事件處理好，
如果未能夠配合好，就會產生問題，
問題一會變問題二，
問題累積越多，就會產生無奈.......
今天有一個客，雖然我們最後幫她處理好一個騷擾了6年的水聲問題，奇怪在最後打來投訴
 話我地冇盡力幫佢，她認為今次係佢咬着唔放才處理到，
從這個case我體會到以上的問題，
也令我覺得case發展的方向並非個個也是自己能掌握，只會覺得唯有向前行，直到問題解決...
今天掛8號風球，有半日假，回到公司，滲水case多的是，又吹破玻璃，又浸了升降機，防火鐘又誤鳴，一個"亂."...
 以為今天主題會是滲水，
但反而係申請住戶証唔係直親屬又唔肯寫信表示申請人會在此居住，否則就要退錢，這客人全部要求都是管理處辦不到的....
又如投訴保安沒有禮貌及不給予服務.....
|
|
|||
|
|
